فریاد ہے اس دل کی
رب مجھ کو آواز دے دے
بھٹکی ہوئی اس رُوح کو
تو کُن کی پرواز دے دے
آنکھیں میری ہیں سہمی
اِن اشکوں کو ساز دے دے
فریاد ہے اس دل کی
رب مجھ کو آواز دے دے
ورقوں میں لپٹے ہوئے
ان لفظوں کو راز دے دے
راضی ہو جس ادب سے
سیرت کو مجاز دے دے
فریاد ہے اس دل کی
رب مجھ کو آواز دے دے
لکھتے ہوئے قلم کو
اُس محفل میں ناز دے دے
دے دے جہاں کو رہبر
جو مظلوم کو آس دے دے
فریاد ہے اس دل کی
رب مجھ کو آواز دے دے
اس گھر سے جسکی منتظر ہوں
اس گھر سے مجھ کو آواز دے دے
نہ کرنا اس دعا کو رائیگاں
تجھ سے ہی ہے امید، مجھ کو آواز دے دے
نازیہ صدیقی
پھلواری شریف ، بہار
